Bókasafnsdagurinn 8.september 2017: Lestur er bestur - fyrir lýðræði

Bókasafnsdagurinn verður haldinn hátíðlegur föstudaginn 8.september 2017. Í tilefni dagsins munu bókasöfn af öllum gerðum víðsvegar um landið bjóða upp á sérstaka dagskrá í tilefni dagsins. Bókasafnsdagurinn í ár er tileinkaður lýðræði og hlutverki bókasafna í lýðræðissamfélögum. Markmið bókaasfnsdagsins er er tvíþætt:

  1. Að vekja athygli á mikilvægi bókasafna í lýðræðisamfélagi. 

  2. Vera hátíðsdagur starfsmanna safnanna.

Yfirlýsing Menningar- og vísindastofnunar Sameinuðu þjóðanna (Unesco) um Almenningsbókasöfn

Grundvallargildi mannsins eru frelsi, velmegun og framfarir samfélags og einstaklinga. Þessum gildum verður aðeins náð ef velupplýstir borgarar nota lýðræðislegan rétt sinn og taka virkan þátt í samfélaginu. Virk þátttaka og þróun lýðræðis byggir á fullnægjandi menntun sem og frjálsum og ótakmörkuðum aðgangi að þekkingu, skoðunum, menningu og upplýsingum.

Almenningsbókasafn er hlið til þekkingar á hverjum stað. Það skapar frumskilyrði til ævimenntunar, sjálfstæðrar ákvarðanatöku og menningarþroska einstaklinga og þjóðfélagshópa.

Yfirlýsing þessi staðfestir trú UNESCO á almenningsbókasafni sem virku tæki til menntunar, menningar og upplýsinga og sem meginafli til að rækta frið og andlega velferð í hugum allra manna.

UNESCO hvetur því ríki og sveitarstjórnir til að styðja og taka virkan þátt í eflingu almenningsbókasafna.

551420_352703631442385_778961699_nAlþjóðlegur dagur læsis.

Bókasafnsdagurinn er haldinn á alþjóðlegum degi læsis, 8. september. Sameinuðu þjóðirnar gerðu þennan dag að alþjóðadegi læsis árið 1965. Á þessum degi er fólk, hvar sem það er í heiminum, hvatt til þess að lesa upp, segja sögur, fara með ljóð eða á annan hátt nota tungumálið til ánægjulegra samskipta. Líttu við á næsta bókasafni og hjálpaðu okkur að halda upp á daginn.

 


420751_338524559526959_1266454612_nLíttu við á þínu bókasafni

Á Íslandi eru yfir 300 bókasöfn. Söfnin eru af ýmsum toga og þjóna bæði almenningi, námsmönnum og sérhæfðum verkefnum í stofnunum og einkafyrirtækjum. Á Íslandi eru mörg almenningsbókasöfn, skólabókasöfn, framhaldsskólabókasöfn, háskólabókasöfn, sérfræðisöfn og annarskonar sérhæfð bókasöfn. Líttu við á þínu bókasafni 8.sept.

 

Síðdegiskornið: Eru fjölmiðlar í raun upplýsingakerfi lýðræðisins?

Streymi fyrir gesti bókasafnanna hér

Í ár verður í fyrsta sinn haldið sérstakt Síðdegiskorn. Síðdegiskorninu verður varpað út frá Amtbókasafninu á Akureyri. Það hefst klukkan 16:00 en Birgir Guðmundsson mun halda erindi í tengslum við þema bókasafnsdagsins í ár. Mörg bókasöfn munu bjóða upp aðstoðu þar sem hægt er að koma og hlýða á erindið í beinu streymi á bókasafninu sjálfu en einnig er hægt að horfa á viðburðinn beint á Youtube eða upptöku eftir á.

 

Söfnin á samfélagsmiðlunum

Fjölmörg bókasöfn eru virk á samfélagsmiðlum. Hér eru samfélagsmiðlar bókasafnsdagsins:

Facebook BókasafnsdagsinsInstagram Bókasafnsdagsins@bokasafnsdagurSnapchat

#bokasafnsdagurinn #lesturerbestur

Facebook: Bókasafnsdagurinn
Instagram: bokasafnsdagurinn
Snapchat: bokasafn.is
Twitter: @bokasafnsdagur
"Hasstögg(myllumerki)": #bokasafnsdagurinn #lesturerbestur

 Leitaðu eftir þínu bókasafni á þínum miðlum.

Dagskrá bókasafnsdagsins

423189_338537862858962_2073857893_nBókasöfnin halda upp á bókasafnsdaginn hvert með sínu nefi. Bókasöfnin hvetja alla til að líta við á sínu safni í tilefni dagsins og gera sér glaðan dag og njóta þess sem bókasöfn bjóða upp á.  Hér eru dæmi um viðburði sem bókasöfnin hafa boðið upp á:

  • Upplestur fyrir börn/fullorðna
  • Gátur/spurningar með textum úr bókum þar sem giska á hvaða bók þetta er
  • Kaffi og bakkelsi
  • Ljóðaupplestur
  • Kynning á ákveðnum höfundum/bókaflokki
  • Opnir bókaklúbbar
  • Lifandi tónlist
  • Opin námskeið
  • Skoðunarferðir "baksviðs" 
  • Bókmenntagöngur/bókmenntaumfjöllun
  • Sérstakar uppákomur/efni á vefsíðu í tilefni dagsins
  • Frí bókamerki/lestrardagbækur
  • Lestrarátak á safninu 
  • Gefins bækur
  • Spurningakeppni – Libquiz 
  • Safnamet
  • Skemmtun
  • Sýning á gömlum munum, bókum og fleiru tengdu fyrri árum bókasafnsins
  • Myndlistasýning
  • Bókmenntagetraun
  • Sektarlaus dagur
  • Viðhorfskannanir
  • Starfsmenn mæla með uppáhalds eða að þeirra mati merkilegum fræðibókum
  • Vísindalegar staðreyndir og/eða fáránlegu fróðleikur 

 

Vertu velkomin(n) á þitt safn.
Lestur er bestur – fyrir lýðræði

#bokasafnsdagurinn
#lesturerbestur

 
Show Comments